قصتي مع تكميم المعده

انا كنت اعاني من سمنة مفرطة وحاولت اكثر من محاولة لانزال الوزن كنت اسوي رجيم وامارس الرياضة واضعف ولكن المحافظة على الوزن صعب كان يرجع وزني وزيادة
شكلي كان يحرجني ويتعبني كان وزني 128
بعدها قررت اسوي العمليه وكنت ابحث عن دكتور
وقررت اسويها عند الدكتورة بسمة فلاتة توصلت مع منسقة المواعيد وكانت متعاونه واسلوبها مريح في التعامل والدكتورة والمستشفي كل شي كان تمام وماكان في اي تقصير
والدكتورة بعد وقبل العملية اقدر اكلمها في اي وقت بالوتسب اذا عندي اي سؤال والحين كملت سنة من العملية ونزلت من وزني 51 كليو وانا مرتاحة وفرحانه اني وصلت لحلمي ^_^

قصة نجاح 2

كنت اعاني من لخبطه في الدوره الشهريه وبعدين توقفت ولما رحت اعالجها قالي الطبيب يمكن بسبب السمنه لان وزني كان 140 كيلو و بعد سنه من العمليه أصبحت 70 كيلو واقترح لي العمليه وبعد ماسالت استقريت على دكتوره بسمه .. الدكتوره جدا مريحه وتفهمك كل الخطوات اللي بتصير وتعلمك بالتفصيل وتشوف العمليه اللي تناسبك سواء تكميم او تحوير او بالون.

انا سويت التكميم مع اني كنت ابي تحوير بس هي شافت ان التكميم افضل لي .. في اجراءت نسويها قبل العمليه وفحوصات وتعطيك كل التعليمات قبل العمليه عشان تتجهزون كويس.. بعد العمليه كانوا الممرضات لطيفين في تعاملهم، جلست مايقارب 3 ايام بعد العمليه كانت الدكتوره بسمه تجيني كل يوم او الدكتور الرزدنسي .. وبعدها تفحص على المعده اذا كان في تسريب او لا وهالشي مره حلو .. كثير مستشفيات مايشيكون .. بعدين بكون لك زياره لدكتوره في العياده بعد اسبوعين اتوقع .. وبعد كل 3 شهور بيكون لك زياره .  تتابع فيها الدكتوره كم نزل من وزنك وتشيك معك على الفيتامينات اذا كانت ناقصه وتتحاور معك عن الغذاء اللي تمشين عليه وتعطيك نصائح.

مره كانت تجربتي حلوه وحبيت تعامل الدكتوره والطاقم والسكرتاريه كانت تذكرني بمواعيدي وتغيرها لي لو ماناسبني الوقت.. مره شكرا لعياده دكتوره بسمه 🙂

قصة نجاح 3

اشكر الدكتوره بسمه على اجراء عملية التكميم التي تكللت بالنجاح و لله الحمد بدون اي مضاعفات تذكر، ووصلت إلي الوزن المثالي بعد سنه و أصبحت ٥٥ كيلو.
الحمدلله العمليه غيرت حياتي بالكامل للافضل.
انا مقيمه في امريكا و لسمعة الدكتوره الطيبه تواصلت معاها وتسب و فعلا بديت بعمل التحاليل بامريكا ونزلت السعوديه لعمل العمليه، اجمل شي احساس الثقه و السعاده لما ينزل الوزن .
كانت تجربه رائعه و معامله جميله و راقيه من الدكتوره بسمه الى السكرتيره الرائعه رنا الى كامل الطاقم الطبي المساعد بما فيهم الممرضات الحبيبات .